Увервлӓ

«Яратым тӓнгем-гармонь» Сергей Валерьянович Сидоркинӹм ӓшӹндӓрӹмӓш вады

 

     28 мартын Ката Шошмар культура томашты самодеятельный композитор, мырызы, гармонист, хытыр эдем Сергей Валерьянович Сидоркин лӹмеш ӓшӹндӓрӹмӓш вады эртӓрӓлтӹн. Тӹштӹ тӹдӹн тӓнгвлӓжӹ, туанвлӓжӹ, мырызывлӓ, Шошмар вел халык погыненӹт. Ти вадын сцена гӹц  Сергей Сидоркинӹн шукы мырыжы йонгалтын. Сергей Валерьяновичӹн  сирӹмӹ мырывлӓжӹ пишок шӱм семеш ылыт, шукы жепеш ӓшеш кодыт. Тӹдӹ шачмы велӹн цевержӹм, эдемвлӓ лошты келшӹмӓш, яратымаш гишӓн шӱмӹн шокшыжым пачын сирен. Тӹдӹн сирӹмӹ мырывлӓ халыклан пӓлӹмӹ дӓ яратымы ылыт. Нӹнӹм самодеятельный артиствлӓ веле агыл, пиш пӓлӹмӹ мырызывлӓӓт мырат, тидӹ: З.Игнатьева, З.Юшкина, Г.Акулькина, З.Смирнова, В.Юнусов дӓ  молат.

     Тӹнгӓлтӹшӹштӹ Сергей Валерьяновичӹн ӹлӹмӓш корныжы гишӓн презентацим анжыктымы. Тенгеок фойештӹ йӓмдӹлӹмӹ стендӹм,  ӹлӹмӹжӹ годшы фотографи гӹцӹн тӹнгӹлӹн дӓ 60 и ӓшӹндӓрымаш вады якте.

     Халык улы шӱм доно анжен стендӹм, кышты ӹшкӹмӹштӹм цакленӹт, дӓ пиш шукы ӓшӹндӓрӹмӓшвлӓ ӓштӓлтӹнӹт.

     Ӓшӹндӓрӹмӓш вадышкы Картук культура томан артиствлӓжӹ, «Кечӹял» ансамбль, «Шур вел» ансамбль, Кӓтӓ Шошмар тымдышы коллектив, Г.Акулькина, И.Ихонькина, З.Игнатьева дӓ шукы  молат  толыныт.

     Ӹлӹмӓш корныжы кужы ылде гӹнят, тӹдӹм халык пуры шамаквлӓ доно ӓштӓ. Тӹдӹ мӓмнӓн шӱмӹштӹнӓ мырывлӓжӹ гач ӹлӓ.

 

©2013. Все права защищены.