Увервлӓ

Ямангаш вел увервлӓ

       Ямангаш культура пӧртӹштӹ март тӹлзӹн шукы йиш мероприяти эртӓрӓлтӹн.

       2 мартын телӹм провожайымы: «У ӓрня» лӹмӓн мероприяти ыльы. Клуб кудывичеш цевер, кужы калявачан чучылы ӹдӹрӹм ӹштӹмӹ ылын. Халык изиге, когоге, ӹлӓлшӹвлӓӓт пиш шукын постарненӹт. Техень мадышвлӓштӹ сусу кымыл дон мадыныт:

         - мешаквлӓ доно кредӓлмӓш,

         - горелкывлӓ,

         - канатым шыпшмаш,

         - призӹм шо,

         - мешаквлӓэш тӹргештӹлмӓш и т.п.

       Пасна тетявлӓлӓн клуб шайылныш кырыкышты изи тир доно, ледянкы доно конкурсвлӓ эртӓрӓлтӹнӹт. Чучылы йӹр мыры дон куштымы хороводым ӹштӹмӹ. Шукынок призвлӓ дӓ подаркавлӓ доно кенӹт. Остаткаэш чучылым йылатымы, да тыл гач тӹргештӹлмӹ.

         5 мартын клубышты конкурсно-игровой программы эртӓрӓлтӹн: «Сек цевервлӓ, яжовлӓ». Кок командыштыш ӹдӹрвлӓ ӹшке мастарлыкыштым анжыктенӹт. Нинӹлӓн техень конкурсвлӓ эртӓрӓлтӹнӹт:

         -командывлӓн визиткышты,

         -ядмаш-вӓшештӹш ,

         - тыштывлӓм пӓлӹмӓш,

         - ӹшке лӹмвлӓм пӓлӹмӓш,

         - спортивный тӓнгӓшӹмӓшвлӓ.

        Ти конкурсышты мадшы ӹдӹрвлӓ цилӓнок призым нӓлӹнӹт.

         7 мартын Ямангаш школышты тыменьшӹвлӓн дӓ «Ромашка» тетя садын изивлӓн «Сусу кечы 8 март» концерт эртӓрӓлтӹн. Ти концертышты шукы яжо мыры йонгалтын, шукы йиш куштымашвлӓӓт ылыныт. Халык клуб циц ылын, цилӓ номерымок шокшын вӓшлинӹт.

         Ти кечӹнок  клубышты «Ах, какая женщина» лӹмӓн вады  ылын. Шукы мары-вӓтӹ ти айош постарнен, дӓ нӹнӹлӓн шукы йиш конкурсым, мадмашвлӓм эртӓрӹмӹ.

        8 мартын, куд цӓш вадеш, кого айо концерт эртӓрӓлтӹн: «У ӹлӹмӓшкӹ у клуб доно». Ти концертӹштӹ Ямангаш дон Микряк культура пӧртӹн самодеятельный артиствлӓжӹ ӹшке мастарлыкыштым анжыктенӹт. Анжышывлӓжӓт артиствлӓ сага веселӓэнӹт: куштенӹт, мыренӹт, шишкенӹт, кидӹштӹ лапам шин  янгылен, тенге шокшын, сусун вашлинӹт.

         Ти концертный программы дон Кӓтӓ Шошмар клубышкы 9 мартын каштын толмы. Тӹштӓн халыклан концерт пиш келшен.

       

©2013. Все права защищены.