Увервлӓ

Ямангаш клубын мероприятивлӓ

         Ямангаш культура пӧртӹштӹ февраль тӹлзӹн шукы йиш мероприятии эртӓрӓлтӹн.

         «Морской круиз» тенге маналтын веселӓ концерт, кӹдӹ 5 февральын ылын. Ти вадын Ямангаш дӓ Микрӓк клубын артиствлӓжӹ ӹшке мастарлыкым анжыктенӹт. Халык зал циц погынен, дӓ каждый номерым шокшын лапам шин вӓшлин.

          Тенгеок 6 февральын «Ромашка» садикӹштӹш тетявлӓлӓн «В мире животных» познавательно- игровой программым эртӓрӹмӹ. Тетявлӓ пиш сусун тыштывлӓм пӓлӓш цаценӹт, викторинӹштӹ участвуенӹт, махань животныйвлӓ мультфильмышты дӓ ямакышты вӓшлиӓлтӹт шайыштыныт. Цилӓ тетялӓн мӱӓн призым пумы.

          25 февральын тетя садышты Ӱӓрня лӹм доно «Веселье широкое – Масленица» развлекательный праздник эртӓрӓлтӹн. Тетя сад кудвичӹштӹ сакой мадышвлӓм ӹштӹмӹ. Изи ӹдӹрвлӓ, ялаван савыцанвлӓ, дӓ ӹрвезӹвлӓ кидӹм кычен куштенӹт дӓ мыренӹт . Изи тирвлӓм шарвлӓ дон нӓрӓен шӹнден, кудвичӹштӹ тӓнгӓштӓрӓлтӹнӹт. Тетявлӓ ти айолан пиш сусу ылыныт, шукы приз доно токышты кенӹт.

         Ямангаш школышты тенгеок шукы мероприятим эртӓрӹмӹ. Икшӹ класслан «Прощание с азбукой» тематический программым палшымы ӹштӓш. Ти праздникеш мӓмнӓн режиссер-постановщикнӓ С.А.Барбосов «Теремок» ямакым шӹнден. Рольжым икшӹ классын тыменьшӹвлӓок мадыныт. Декорацижӹ дӓ костюмжы пиш сӹлнӹ ылын.

         23 февралеш «А ну-ка мальчики» конкурсно-игровой программым, «Рыцарский турнир» конкурсым, О боже, какой мужчина!» кӓнӹмӹ вадым эртӓрӹмӹ.

        Каждый мероприятиштӹ шукы конкурс, мадышвлӓ ылыныт, кышты тетявлӓ, кограк ӹрвезӹвлӓ дӓ когораквлӓ ӹшке матарлыкыштым анжыктенӹт.

        Мероприятивлӓ веселӓн эртенӹт.

©2013. Все права защищены.