Увервлӓ

Тетя книга ӓрня

      7 апрель гӹц 13 апрель якте 2014 ин Эмӓн сола библиотекышты Тетя книга ӓрня эртӓрӓлтӹн. Библиотекыш толшывлӓм «книгӓвлӓн вуйлатышышты» сусун вӓшлин, шукы йиш тыштым тыштен, книгӓ гишӓн халык шаям ӓшӹндӓрӹктен.

     Библиотекырьвлӓ лыдшывлӓлӓн викторинымӓт йӓмдӹленӹт. Цилӓ участниклӓн тау шамакым пуэнӹт, а сӹнгӹшӹлӓн, Стратилатов Дмитрийлӓн, Эмӓн сола школыштыш 4 классыштыш тыменьшӹлӓн, грамотым пуэнӹт.

     Тетя книгӓ ӓрня Эмӓн сола тетя садымат ӧрдӹжеш кодыде. Тӹшкӹ библиотекырьвлӓ «Приключения домовёнка Кузи» мультфильмым анжыкташ каштыныт. Тетявлӓ пиш сусу кодыныт.

     Кокшы классыштыш тыменьшывлӓ «Сказочная игротека» мероприятиштӹ участвуенӹт. Тыменьшӹвлӓ выртеш ямакышты линӹт: нӹнӹ царевна Несмеянаш, Кот в сапогахыш дӓ Конёк – Горбунокышкат сӓрнӓлтӹнӹт.

     Библиотекырьвлӓ икшӹ классыш кашшы тыменьшӹвлӓ доно иквӓреш Корней Иванович Чуковскийын «Муха - Цокотуха» ямакшы семӹнь пыток сценкым йӓмдӹленӹт. Нӹнӹ йӓмдӹ ямакыштым Эмӓн сола тетя садыш кашшы изивлӓлӓн анжыктенӹт. Теявлӓлӓн ямак пиш келшен, дӓ эчеӓт у ямак доно толаш ӱжӹнӹт.

     Тетя книгӓ ӓрня пиш пӹсӹн эртен. Тенге гӹнят, сек яжо лыдшывлӓлӓн Эмӓн сола библиотекырьвлӓ грамотывлӓм пуэнӹт. Сек яжо лыдшы 2013 ин Эмӓн поселенин когорак эдемвлӓ лошты Романова Галина Михайловна, Шӹргӹял сола гӹц. Эмӓн сола школыштыш сек яжо лыдшы 2013 ин тӹнгӓлтӹш классвлӓ лошты Мартышкина Мария, 1 «Б» классыштыш тыменьшӹ; 5 гӹц 7 классвлӓ лошты Сиситкин Андрей, 6 «Б» классыштыш тыменьшы; когорак классвлӓ лошты Стратилатова Елена, 11 классыштыш тыменьшӹ. Сек яжо лыдшы семня 2013 ин – Стариковлӓн семня (Вениамин Константинович, Елена Леонидовна, Елена Вениаминовна, Алексей Вениаминович), Панькан сола гӹц.

Эмӓн сола библиотекын вуйлатышыжы Степанова О.С.

  

©2013. Все права защищены.