Увервлӓ

«Супер бабушка»

     Папи – сек лишӹл, пуры эдем, кыды гӹц пасна нелӹ ӹлӓш мӱлӓндӹ вӹлнӹжӓт.

     8 мартын 2014 ин Эмӓн сола культура томашты шошымшы айо лӹмеш «Супер бабушки» мероприяти эртен.

     Айо пиш веселӓн эртен, анжышывлӓ шӱм вашт лапам шинӹт, участницывлӓм кымылангденӹт. Папивлӓ ӹшке мастарлыкыштым сакой конкурсвлӓштӹ анжыктеныт. Цилӓн тонышы пӓшӓм ӹштен толыныт: сӹлнӹ мырывлäм мыренӹт, тотлы качкышвлӓм йäмдӹленӹт.

     Тенгеок ти конкурсвлӓ лошты Эмӓн клубын мырышы дӓ куштышы тетявлä ӹшке мастарлыкыштым анжыктенӹт, папивлӓм сусуэмденӹт.

      «Супер бабушка» лӹмӹм Якимова Фаина Михайловна сӹнген нӓлӹн . Айдаркина Наталья Геннадьевна «Бабушка – лучшая хозяюшка» лин, а Крылова Лидия Тимофеевна – «Самая находчивая бабушка».

      Шергӓкäн папивлӓнӓ! Соок цаткыды шулыкан лидӓ! Кужы курыман дӓ пуры кымылан!

  

©2013. Все права защищены.