Увервлӓ

«Шачмы-кушмы Мары Эл»

Пиш цевер мӓмнӓн сӓндӓлӹкнӓ,

Маналтеш тӹдӹ Мары Эл.

Йошкар-Ола - тӹдӹн столица,

Мӓмнӓн яратым туан вел…

                                                      Ю. Цендушев.      

        4 ноябрьын пиш кого айовлӓм пӓлемдӹшнӓ - тидӹ Халыквлӓн икышын ылмым анжыктышы кечӹ  дӓ Мары Эл Республикым ӹштӹмӹлӓн 94 и теммӹ кечӹ. Лач ти кечӹн Н. Игнатьев лӹмӓн Краеведческий музейӹштӹ техень кого  айовлӓ лӹмеш «Шачмы-кушмы Мары Эл» лӹмӓн мероприяти эртен.

Музейӹшкӹ йӹр ылшы солавлӓштӹ ӹлӹшӹ ӹдӹр-ӹрвезӹвлӓ, ӓти-ӓвиштӹ, папиштӓт толыныт. Шачмы сӓндӓлӹкнӓн историжӹм, Мары автономный область гӹц тӹнгӓлӹн, Мары Эл республика лимеш шӓрген лӓкнӓ. Мары Эл Республикын, Кырык мары районын государственный символвлӓ доно тетявлӓм пӓлӹмӹм ӹштӹшнӓ. Музейӹн пӓшӓзӹвлӓ Кырык сирӹштӹнӓ ылшы лӹмлӹ вӓрвлӓ гишӓн видеопрезентацим анжыктевӹ. Изи хынавлӓнӓ Кырык сиреш шачын-кушшы лӹмлӹ писательвлӓн, шӹмлӹзӹвлӓн, художниквлӓн лӹмвлӓштӹм келесевӹ, тыштывлӓм шукым пӓлевӹ. Шукы йиш мадышла мадынна, а Смоленцев Андрей, Эмӓнсола школын 5-шӹ классышты тыменьшӹ,  ӹшке шачмы вӓржӹ гишӓн пиш сӹлнӹн лыдышым шайышт пуш.

     Овуца семӹньок, вӓшлимӓшнӓм чӓй йӱмӓш доно кашартеннӓ.

©2013. Все права защищены.