Увервлӓ

«Шӧртньӹ кидвлӓ»

Эмӓн сола библиотекышты «Шӧртньӹ кидвлӓ» кружок пӓшӓлӓ, кӹдӹн вуйлатышыжы Симолкина Светлана Вадимовна. Тыменьшӹвлӓ «Шӧртньӹ кидвлӓ» кружокыш кого шанымаш доно каштыт, шукы кид хӓдӹрвлӓм ӹштӓт. Районный конкурсвлӓштӓ шӹренок участим принимаят.

Шукерды агыл библиотекын кружокыш у кид мастар, Салянова Наталия Сергеевна, кашташ тӹнгӓлӹн. Кружокын вуйлатышыжы дон икышын тумаялын, у кид хӓдӹрӹм ӹштӓш шаненӹт. Библиотекыш Наталия Сергеевна шукы цӹреӓн лентӓвлӓм, шервлӓм, шӹртӹвлӓм, имӹм, кайыцым канден. Пӹтӓри лентӓвлӓ гӹц роза пеледӹшвлӓм ӹштӓш тӹнгӓлӹнӹт, вара шукы пеледӹшвлӓм иквӓреш цымырен яжо композицивлӓм чангенӹт. Техень композицивлӓ гӹц ӱпеш пышкылмы хӓдӹрвлӓм ӹштенӹт, вара чимӓшеш толкеш толшы брошкывлӓмӓт ӹштӓш тӹнгӓлӹнӹт. Кӹзӹт шукы цӹреӓн шервлӓм дӓ пеледӹшвлӓм иквӓреш поген паян композицивлӓм Наталия Сергеевна ӹштӓ.

Эмӓн сола библиотекышты ӹшке пӓшӓвлӓжӹм анжыкташ манын, Салянова Наталия Сергеевна изи выставкым пачын дӓ цилӓм анжалаш ӱжеш. Сӓмӹрӹк мастар ӹшке кид хӓдӹрвлӓжӹм выжалашат дӓ подарашат ӹштӓ.

 

Эмӓн сола библиотекын вуйлатышыжы Степанова О.С.

©2013. Все права защищены.