Увервлӓ

«Поэзижӹ ӹнян важан»

…Лыдышемвлӓ мактат пӓшӓм дӓ цеверӹм,

Ӱжыт со яраташ курым мыч.

Канден пуат сек яжо уверӹм,

Маршым шактат, вуйта тойын пыч…

А. Канюшков.

 

     Кырык марын лӹмлӹ поэт, Кого Отечественный вырсын участник АМ. Канюшковын шачмыжылан 90 иат шон колтыш.

     Аркадий Максимович 2 мартын 1925 ин Кожваж вел Шыргӹйӓл солаэш шачын. Поэтӹн творчествыжы пиш кымда да виӓн ылеш. Аркадий Максимович лыдышвлӓжы гач шачмы вӓрым перегӓш тымден, ӓтя-ӓвӓн пӓшӹштӹм шотеш пиштӓш, лишӹл эдемвлӓм яраташ, нӹнӹ доно когоэшнӓш ӱжӹн.

     А.М. Канюшковым ӓшӹндӓрен, Салымсолаштышы Н. Игнатьев лӹмӓн краеведческий музейӹн пӓшӓзӹвлӓ  пиш паян выставкым йӓмдыленӹт. Тӹштӹ лӹмлӹ поэтӹн ӹлӹмӓш да творческий корныжы гишӓн шукым пӓлен нӓлӓш лиэш.

     Цилӓдӓм выставкым анжалаш ӱжӹнӓ!

©2013. Все права защищены.