Увервлӓ

Мыры-2013

7-шӹ декабрьын Виловат культура томашты традиции семӹнь кырык мары эстрадный мырын исполнительвлӓн «Мыры-2013» фестиваль-конкурсын отборочный туржы эртӹш. Зал циц халык  погынен. Конкурсантвлӓм нӹл цӓш лошты жюри оцениваен дӓ сек яжо номервлӓм Гала-концертӹш айырен. Анжышывлӓ мырышывлӓм шокшын вӓшлинӹт, лапамат пиш шинӹт. Жюри номервлӓм айыренӹт дӓ сӹнгӹшӹвлӓм пӓлдӹртенӹт, ӹнде нӹнӹм Гала-концертӹштӹ Яков Эшпай лӹмеш халык культура центрӹштӹ 28 декабрьын награждаялтыт лиэш. Концертвлӓ 14.30 дӓ 18.30 цӓшвлӓн лиэш.

©2013. Все права защищены.