Увервлӓ

Литературный лото.

       Шукердӹ агыл, 8 августын, лӹмлӹ мары писатель Макс Майнлан 100 и темӹн. Тӹдӹн лачокшы лӹмжӹ - Степанов Максим Степанович. Писатель Медведевский районын Нефедкино (Непот) солаштыш хресӓнь семняэш шачын. Лыдышвлӓм Макс Майн 1920-шы ивлӓ паштек сирӓш тӹнгӓлӹн, 1934 ин кок тетялык шайыштмаш сборникшӹ лӓктӹн, 1939 ин пӹтӓриш «Пеледше мланде» («Цветущая земля») поэтический сборникшӹ пецӓтлӓлтӹн.

       Макс Майнын Кого вырсын войнашты участвуйымыжы творчествешӹжӓт кишӓм коден, героико-патриотический темы лыдышвлӓштӹжӹ кого вӓрӹм нӓлеш.

       Чӹдӹ агыл книгӓм Макс Майн тетявлӓлӓн сирен: «Кудывечым кö ÿштын?» («Кто подмел двор?»), «Тÿжем йолташ» («Тысяча друзей») дӓ молат. Макс Майн шукы веремӓ переводчик пӓшӓм ӹштен. Тӹдӹ А.Пушкинын, М.Лермонтовын, Н.Некрасовын , М.Исаковскийын, А.Сурковын, Д.Бедныйын, С.Маршакын, С.Михалковын дӓ вес писательвлӓнӓт произведенийвлӓштӹм марла йӹлмӹшкӹ сӓрен. Цилӓжӹ Макс Майн  кымлы утла книгӓм лыктын.

       Ти писатель гишӓн  Кулаковы библиотекыштат лыдаш толшывлӓ пӓлен налевӹ. Эче юбилей лӹм доно «Макс Майн дӓ тӹдӹн лыдышвлӓжӹ»  литературный лото эртӓрӓлтӹн. Тӹштӹ тетявлӓ писательӹн произведенийвлӓжӹм лыдыныт.  

      Кулаково библиотекын библиотекарьвлӓ Ямолкина Г.А., Когаринова А.Г.

©2013. Все права защищены.