Увервлӓ

Библиотекышты – у книга "Краеведын шайыштмашвлӓ"

      Библиотекыш мӓмнӓн читательнӓ ашкед пырыш. Тӹдӹ тагынамшенӓт мӓ докына толде ыльы. «Почтышты  сылымы журнал дон газетвлӓ  толынок шалгат, лыдашем улы. Тевеш «Загадки истории» журналем ӓрняш ик гӓнӓ толеш, тӹдӹжӹмӓт кынамжы лыдын ам шокты. Лыдындаламат, библиотекышкы кандем, ӓнят йӓлӓт лыдыт, журналжы пиш интересный ылеш»,  - маньӹ тӹдӹ.  А тагачы тӹдӹ подарка доно тишкӹ толын – у книгӓжӹм канден. Кулаковы вел краевед Валериан Александрович Зубковын шӹмшӹ книгӓжӹ лӓктӹн. Лачокат, тидӹ лыдшывлӓлӓн кого подарка. Книгӓн лӹмжӹ – «Краеведын шайыштмашвлӓ».  Книгӓ Муравьева Галина Дмитриевна редактор палшымы доно Йошкар-Олаштышы типографиштӹ лӓктӹн. Ти книгӓштӹшӹ шайыштмашвлӓ  «Жерӓ» дон «Край горномарийский» газетвлӓштӹ пецӓтлӓлтӹнӹт ылын.  Книгӓштӹ техень рубрикывлӓ улы: сӹнгӹмӓш кечӹлӓн 70 и шон; школышты тымдымы веремӓ; йӹрӓлтӓлӹн, ваштылалын; шайыштмашвлӓ. Валериан Александрович кыце табакым шыпшаш цӓрнӹмӹжӹ гишӓнӓт сирен. Ӓнят, иктӓжӹ тожы, тидӹм лыдынок, табак шыпшаш цӓрнӓт. Книгӓм лыдаш библиотекышкы толын кердӹдӓ.

      В.А. Зубковлан кого таум келесенӓ дӓ у книгӓвлӓм эче выченӓ! 

  Кулаково библиотекын библиотекарьвла   Г.Ямолкина,   А.Когаринова.

  

©2013. Все права защищены.