Мырызы шÿмäн поэт
20.11.2013
25-шӹ ноябрьын Пайскырык сола культура томашты Мары Эл Республикын дä Россий Федерацин культурын заслуженный пäшäзӹжӹ, Олык Ипай лӹмеш Мары Эл Республикын госпремин лауреат, поэт, журналист дä общественный деятель Николай Петрович Егоровым äшӹндäрӹмäш вады эртäрäлтеш. Тӹшкӹ тӹдӹн тäнгвлäжӹ, туанвлäжӹ, поэтвлä, композиторвлä, мырызывлä дä, седӹ, Пайскырык вел халык, тенгеок Пайскырык школын тыменьшӹвлä толыт. Ти вадын сцена гӹц Николай Егоровын сӹлнӹ лыдышвлäжӹ дä тӹдӹн шамаквлäэш сирӹмӹ мырывлä йонгалтыт лиэш.
"Шöртньӹ шӹжӹ мыры"
19.11.2013.JPG)
15-шӹ ноябрьын Йылйӓл культура томашты кырык мары эстрадын шӹдӹрвлӓн «Шöртньӹ шӹжӹ мыры» сӹлнӹ концерт эртӓрӓлтӹн. Йылйӓл солан ӹлӹшӹвлӓ толшы артиствлӓм пиш пурын вӓшлинӹт дӓ шокшын лапам шинӹт, нӹнӹлӓн кымылым лÿктенӹт. А артиствлӓ улы шÿм вашт мыренӹт, куштенӹт, шке талантышты доно халыкым сусуэмденӹт. Вады кыт мыч сусу кымыл дӓ шокшы кӹл анжышывлӓ дӓ артиствлӓ лошты кӹрӹлтде, седӹндон концертшӓт пиш куштылгын, веселӓн эртен.