Муниципальное учреждение
"Отдел культуры администрации Горномарийского
муниципального района"

Шукердӹ агыл, 8 августын, лӹмлӹ мары писатель Макс Майнлан 100 и темӹн. Тӹдӹн лачокшы лӹмжӹ - Степанов Максим Степанович. Писатель Медведевский районын Нефедкино (Непот) солаштыш хресӓнь семняэш шачын. Лыдышвлӓм Макс Майн 1920-шы ивлӓ паштек сирӓш тӹнгӓлӹн, 1934 ин кок тетялык шайыштмаш сборникшӹ лӓктӹн, 1939 ин пӹтӓриш «Пеледше мланде» («Цветущая земля») поэтический сборникшӹ пецӓтлӓлтӹн.

Кӓнгӹж – сек сӹлнӹ жеп. Йӹрвӓш ыжаргы, кечӹ шокшын ӹрӹктӓ, цевер гӹц цевер чиӓ цӹре доно пеледӹшвлӓ пеледӹт, шуды лошты мӧрвлӓ кӱн шӹнзӹнӹт, кеквлӓн мырымы юк йӹрвӓш рӹшкӓлтеш. Тетявлӓлӓнжӹ гӹнь, кӓнгӹж айыртемӹнок шукы сусум канда, вет нӹнӹн кӓнӹмӹ, мадмы жеп толын.

Кукшыгечӹн, 31 майын, Эмӓн сола библиотекын вуйлатышыжы Степанова О.С., мӹньӹм (Бычкова Викам) дӓ эче нӹл ӹдӹр – ӹрвезӹ тӓнгвлӓем: Васильева Янам, Сидукова Аням, Бычкова Настям дӓ Степанов Владым Микрӓк солаш «Тетявлӓм ӹшӹклӹмӹ кечӹ» айош кандыштын.

Шукердӹ агыл, Эмӓн сола библиотекын вуйлатышыжы, Степанова О.С., Эмӓн сола «Дюймовочка» тетя садын воспитательвлӓжӹ докы ядмаш доно толын.

Ямангаш культура пӧртӹштӹ апрель тӹльзӹн шукы йиш мероприятий эртӓрӓлтӹн.