Муниципальное учреждение
"Отдел культуры администрации Горномарийского
муниципального района"

Январь тӹлзӹн Кырык мары районын ик лӹмлӹ краевед, тымдышы, Мары Эл образованин заслуженный пӓшӓзӹ Виссарион Зиновьевич Фадеевын шачмыжылан 65 и темшӓшлык ыльы. Виссарион Зиновьевич ӹлӹмӹжӹ годымок пишок кымдан пӓлӹмӹ, лӹмлӹ эдем ылын. Виловат солан библиотекарьвлӓ школыштыш тетявлӓ доно «Тымдышы дӓ краевед» лӹмӓн мероприятим эртӓренӹт.

6-шы декабрьын Виловат культура томашты «Мыры-2014» эртӓрӓлтӹн. Пӹтӓриш турыш цилажы 53 мыры пырен. Нӹнӹ лошты халык мырывлӓ да композиторвлӓн мырывлӓӓт йонгалтыныт. Цилӓнӓт выченӹт у мырывлӓм, мастар мырызывлӓм. Нӹнӹн вычымашышты такеш лиде: 16 у мыры йонгалты. 6 ансамбль, 9 вокальный дуэт да трио, 19 солист ӹшке лоштышты тӓнгӓшенӹт. Гала-концерт 27 декабрьын Я.Эшпай лӹмеш халык культура центрышты эртӓрӓлтеш.

4 ноябрьын пиш кого айовлӓм пӓлемдӹшнӓ - тидӹ Халыквлӓн икышын ылмым анжыктышы кечӹ дӓ Мары Эл Республикым ӹштӹмӹлӓн 94 и теммӹ кечӹ. Лач ти кечӹн Н. Игнатьев лӹмӓн Краеведческий музейӹштӹ техень кого айовлӓ лӹмеш «Шачмы-кушмы Мары Эл» лӹмӓн мероприяти эртен. Музейӹшкӹ йӹр ылшы солавлӓштӹ ӹлӹшӹ ӹдӹр-ӹрвезӹвлӓ, ӓти-ӓвиштӹ, папиштӓт толыныт.

25 сентябрьын Пӹзӹкныр кӹдӓлӓш школышты М.И. Кудряшовым ӓшӹндӓрӹмӓш кечӹ эртӓрӓлтӹн. Программым мары йӹлмӹм тымдышы О.С. Микрякова йӓмдӹлен дӓ виден.

Пеледӹш – земля вӹлвӓлӹн цевержӹ. Пеледӹш мӓмнӓн ӹлӹмӓшнӓм ӹвӹртӓ, кымылым лӱктӓ. Тидӹм тумаенок 11 сентябрьын Эмӓн сола культура пӧрт анзылны пӹтӓриш гӓнӓ районыштыш «Пеледӹш пазар» мероприяти эртӓрӓлтын.