Муниципальное учреждение
"Отдел культуры администрации Горномарийского
муниципального района"

13 апрельӹн Виловат культура пӧртӹштӹ театральный фестиваль-конкурс эртӹш. Районный мероприятий халык театрын лӹмлӹ режиссёржы, Марий Эл Республикын культурын заслуженный пӓшӓзӹжӹ дӓ самодеятельный композитор В. М. Салдушкин лӹмеш ылеш.

24 февральын Эмäн сола клубышты «Туан солана мыра» концерт вады эртен. Анжаш толшывлä пӹтäриок пырымыкышты фотовыставкым ужыныт, кыдым Отечествым перегӹшӹвлäн кечӹ лӹмеш ӹштӹмӹ ылын. Пакыла эртӹмӹкӹ хынавлäм "Эман вел мастарвлӓн кид пäшäвлäштӹ" выставкы кымылангден. Залыш пырымыкы экранышты Эмäн культура томан дӓ Сарапай халык овуцавлäн культура томан эртӹш 2016-2017 ивлäн пäшäлӹмӹ гишäн ӹштӹмӹ видеопрезентацийвлäм концерт якте анжыктымы. Куд цäш вадеш айо вады тӹнгäлäлтӹн.

Кырык мары кымдемнӓ шукы писатель дӓ поэт доно лӹмлӹ ылеш. Нӹнӹ логыц иктӹжӹ Иван Горный (Тарьянов Иван Иванович). И.Горныйын шачмыжылан 85 шомы лӹмеш Картук сола библиотекышты «Писатель да поэт И.Горный» лӹмӓн книга выставкым ӹштӹмӹ.

Библиотекыш мӓмнӓн читательнӓ ашкед пырыш. Тӹдӹ тагынамшенӓт мӓ докына толде ыльы. «Почтышты сылымы журнал дон газетвлӓ толынок шалгат, лыдашем улы. Тевеш «Загадки истории» журналем ӓрняш ик гӓнӓ толеш, тӹдӹжӹмӓт кынамжы лыдын ам шокты. Лыдындаламат, библиотекышкы кандем, ӓнят йӓлӓт лыдыт, журналжы пиш интересный ылеш», - маньӹ тӹдӹ.

Шергӓкӓн тӓнгвлӓ! 21 августын 2015 ин Салымсолаштышы Н. Игнатьев лӹмӓн краеведческий музейӹшты лӹмлы кӓрш ӹштӹшы Роберт Венедиктович Кашутинлӓн 80 и шомы лӹмеш вӓшлимӓш эртӓрӓлтеш. 10 цӓш сотыгечӹн тӹнгӓлӓлтеш. Улы кымылын цилӓдӓм ӱжӹнӓ!