Увервлӓ

Ӱӓрняжӹ эртен кеш

        2 мартын 2014 ин Эмӓн сола клуб анзылны веселӓ айо эртен, кышты ӱштӹ тел цевер шошымлан вӓрӹм пуэн.

        Сола халык марла мырывлӓм дӓ частушкывлӓм мыраш шукы постарнен. Тенгеок спортивный тӓнгӓшӹмӓшвлӓ шукы эртӓрӓлтӹнӹт: ӓптӓнвлӓн кредӓлмӓш, мешӓк доно тыргештӹлмӓш, кӓндрӓм шыпшмаш, ходульы доно каштмаш, кирӹм лӱктӹмӓш. Цилӓ мадшывлӓлӓн изи подаркавлӓм пуэнӹт.

        Айо лошток шокшы меленӓм кӱэштӹнӹт дӓ шокшы чӓйӹм самовар гӹц йӱктенӹт.

        Айошты «Сударушки» ансамбль, Ираида Ихонькина, Настя Бычкова, «Веселӓ тӓнгвлӓ» куштышы ансамбль анжышывлӓлӓн кымылым лӱктенӹт.

        Остаткаэш чучелым йылатенӹт дӓ тыл гач тӹргештӹлӹнӹт.

        Ти айо цилӓлӓн келшен, сола халык эче шукы жеп токышты ӹнежӹ ке ылын. 

  

©2013. Все права защищены.